أردوغان متحديا الجميع :أكبر صفقة صواريخ في تاريخ تركيا ستتم و لن يقف أحد أمام تطوير قدراتنا الدفاعية

البوعزيزي يكشف مخططا لاحراق قفصة و بوزيد

في تعليقه على حادثة القطار كتب المدون لسعد البوعزيزي قائلا :"باش نحكيلكم حكاية و نمشي نحط فيلم نضيع بيه شوي وقت لوين يجيني النوم . شفتو حكاية التران النهارين اللي عرضولو المجرمة بفياج حجر حطوهولو في السكة ، شفتوه التران هذاكة كان راكب فيه أكثر من 500 شخص بين صغار و كبار و شياب و عزايز و شبان و رضع ، تعرفو شنوة حصل ؟ التران كيف يعرف المحطة متاعو قربت ، يبدا يحبس على بعد 3 كلم و يا ربيش يوصل هو و المحطة قد قد ، الشوفور فاق بالحجر على أمتار إيه أمتار برك و عمل فران ساك ، العملية مستحيلة أصل ، التران يتقلب طول وحدو ، تعرف الركاب تهزو و تنفضو و الرعب مكنهم ، و سبحانك ربي حبس التران على بلاصتو بعيد 3 ميترو على فياج الحجر ، هبطت الناس تجري ما فاهمة شي ...
 اللي حط فياج الحجر حسب حسابو مليح و استحالة التران يمنع منو ، و هكة و لا هكة مقلوب ، ربك ركح التران على بلاصتو و شوي فجعة و مشات الأمور على روحها و كل شي لاباس . 
تعرفو اللي و كان دخل التران في كوم الحجر يتقلب ، يموتو 500 واحد من قفصة و بوزيد و بلايص أخرين ، تعرفو شنوة 500 يموتو ؟ حتى في انفجار في العراق ما حصلتش ، يعني بوزيد و قفصة و القصرين ماعاد يحبسها حد و تشعل بكلها ، تشعل بعدها تونس الكل و يفقد الجيش و الأمن السيطرة على كل شي و وقتها يظهروا الانقلابيين و يفكوا الحكم و الشعب يصفقلهم و يزغردو في بالهم جايين باش ينقذوهم .
 أغزروا للحادثة مليح و شوفو ربي كيفاش ساتر تونس ، بروا أرقدو قسما باللي خلق السماوات و الأرض لا يجرا كان الخير للبلاد هذي ، و كان تتلم الشياطين الكل باش يضروها ، ربك كتب أنها لاباس و باش تبقى لاباس لوين تنجح الثورة و باش تنجح بإذن الله . ما عندكم مناش تخافو ، احمدوا ربكم أنكم في تونس . تصبحو على خير ."
 اقرأ أيضا مقداد الماجري ربي لطف بتونس من مجزرة قلب قطار بركابه تمت بأوامر اماراتية